புதன், மே 30, 2012

கன்னியும் கண்ணீர்ப் பூக்களும்

இதுவரை பாடல்களை மட்டுமே "வெட்டிவேலை" என்ற தொகுப்பின் கீழ் கிறுக்கின்டிருந்த நான், ஒரு கவிதைத் தொகுப்புக்கு விமர்சனம் எழுதுவதென்பது இதுவே முதல் தடவை. ஏன் உனக்கு இந்த தேவையில்லாத வேலை என்று புத்தி ஒருபுறம் எச்சரித்துக் கொண்டிருப்பதையும் மீறி இதை எழுதுகிறேன் என்றால் அதற்க்கு ஒருகாரணம் இருக்கிறது. அவள் தான் "சோமாலியத் தாய்" 

வெளியில் இவ்வளவு காற்றிருக்க 
எண்டா மகனே எனது முலையில் வாய்வைத்துக் 
காற்றைக் குடிக்கிறாய் 

ஏனடா அழுகிறாய்
சத்தியமாய்த் தெரியாது எனக்கும்
தாய்ப்பாலின் சுவை என்னவென்று 
ஏனென்றால் 
உன் பாட்டியின் முலைகளுடன் 
பாலுக்காய்ப் போராடித் 
தோற்றுப் போனவள் நான். 

சென்ற மாதம் ஹிமலாயா கிரியேசன்ஸ் ஒழுங்கு செய்திருந்த "ignite" நிகழ்வில் வளர்ந்துவரும் இளம் பாடலாசிரியர், கவிஞன் என அறிமுகப்படுத்தப்பட்ட உமாகரன் மேடையேறியபோது சில முகங்களில் தெரிந்த ஏளனம் "சோமாலியத் தாய்" என்ற இந்தக் கவிதையை அவன் வாசித்து முடித்ததும் ஆச்சரியத்தினால் வாய் பிளந்து நின்றது. ஒவ்வோர் வார்த்தைகளும் வாளாய் வந்து இதயத்தில் பாய்ச்சிச் சென்றது. பதினெட்டே வயது நிரம்பிய, அதனைவிடவும் குறைத்தே காட்டும் குழந்தைத்தனமான முகம் கொண்ட ஒருவனிடம் அவனின் கவிதைகளில், சிந்தனைகளில் இத்தகைய முதிர்ச்சியை நிச்சயமாய் யாருமே எதிர்பார்த்திருக்க மாட்டார்கள்.

இந்த வளர்ச்சிப் படியின் அடுத்த கட்டமாக சில தினங்களுக்கு முன் கன்னி, கண்ணீர்ப் பூக்கள் என்று ஒரேசமயத்தில் இருவேறுபட்ட களங்களில் கவிதைத் தொகுப்புகளை வெளியிட்டு தனது எழுத்து ஆளுமையை வெளிக்காட்டியுள்ளார். விழாவிற்கு தவிர்க்க முடியாத காரணங்களினால் செல்ல முடியாவிடினும், ஓர் வளர்ந்துவரும் கவிஞனின் முதலாவது தொகுப்பின் சிறப்புப் பிரதியைப் பெற்றுக்கொண்டதையிட்டு மகிழ்ச்சியாக இருந்தது.

கண்ணீர்ப் பூக்களின் அத்தனை கவிதைகளுமே அருமை. கன்னியில் வயதானவர்களின் நினைவு மீட்டல்களையும், ஆதங்கங்களையும் கூட அங்கங்கே தூவியிருக்கிறார். துசிகரன் சிறப்பாகவே இந்நூலை தொகுத்துக் கொடுத்திருக்கிறார். சிருங்காரத்தையும் சிரிப்பையும் ஒன்று சேர்த்துக் கொடுப்பது உமாவிற்கு நன்றாகவே வருகிறது. உதாரணத்துக்கு ஒரு வயதான ஐயாவினது ஆதங்கத்தைப் பாருங்கள்.

இன்றும் நீ சமைக்கும் வேளை
பின்னால் வந்து செல்லமாய் 
உன் இடுப்பைக் கிள்ளத்தான் ஆசை 
பாவம் நான் 
கை நடுக்கத்தில் அடுப்பைக் கிள்ளினால்..?

இப்படிப் பல முத்துக்கள் இருக்கின்றன. இருந்தும் என்னை மிகவும் கவர்ந்தது அவள் (ஒரு அங்கவர்ணனை) என்ற கவிதையே. 
.......
........
வெண்ணிற வானத்தின் 
கருநிற நிலாக்கள் 
அவளின் கண்மணிகள் 

நுரையீரல்த் தீவுக்கு 
யாத்திரை செல்லும் 
காற்றின் நுழைவாயில் 
அவள் மூக்கு 

என்பதாய் நீண்டு செல்லும் வர்ணனைகள் சற்றே வித்தியாசமான பாணியில் அமைந்திருந்தது.

நிற்க, கவிஞர் T-shirt இனால் நிறையவே பாதிக்கப்பட்டிருக்கிறார் போல தெரிந்தது. பல இடங்களில் கண்மண் தெரியாமல் கிழித்து விட்டிருக்கிறார்.

உமா ஒரு கவிஞன் மட்டுமல்லாது ஒரு சிறந்த பாடலாசிரியனும் கூட என்பதை நிரூபிப்பதற்கு JPL பாடல் வரிகளே போதும்.


JPL ஆரம்பமாச்சா PILOT க்குச் சொல்லு
நம்மாளு அடிப்பான் SIXER FLIGHT ஐப் பார்த்து ஓட்டு
KEEPER தான் புயலாய் ஆனான் UMPAIRE க்குச் சொல்லு
OFFSIDE BOUNDARY கூட அவன் பாஞ்சே தடுப்பான் பாரு
மின்னல் போகும் வேகம் உன் கண்கள் பார்த்தது உண்டா?
நம்ம SPEED BOWLER போடும் வேகம் அந்த மின்னல் பார்த்திருக்காது




கவிஞரைப் பற்றி எழுதுமிடத்து ரெ. துவாரகன் 'கன்னி'யில் சொல்லியதுபோல்.. 

இவன் கவிதைகளால் காதலிக்கிறான், அரசியல் செய்கிறான், புரட்சி செய்கிறான், தீவிரவாதம் செய்கிறான், வாழ்வியல் சொல்கிறான்.
இவனைக் கவிஞன் என்பதா? இல்லை...









திங்கள், மே 28, 2012

இறுதிப்போரின் வடுக்கள்

நீண்டநாள் நினைத்திருந்தது   
நேற்றுத்தான் அழைப்பு வந்தது 
நான்கு மணிநேரப் பயணம்..!

வீதியோர வடுக்களில்
கடந்தகாலம் நிழலாட
சாலைமீதான பூச்சுக்களில் 
நிகழ்காலம் ஊசலாடுகிறது

வழியெங்கும் டிவிசன்கள் வரவேற்க
கூரையற்ற வீடுகளை, பொத்தல் கடைகளை
தாண்டிப் போகையில்..
தூசி நடுவே தெரிந்த
வெண்ணிற எழுத்துக்களை சிரமத்துடன்
கூட்டிப் படித்த மனது கனக்கவில்லை

புதிது புதிதாய் பல குடியிருப்பு வந்ததினால் 
புதுக்குடியிருப்பு தற்கொலை செய்து கொண்டதாய்
படித்தவர்கள் சொன்னார்கள்

சனங்களெல்லாம் கடைசியில் கைவிட்டுப் போனதனால்
சாப்பிட வழியின்றி ஆயிரக்கணக்கான சைக்கிள்கள்
சல்லடையாய்ப் போய்விட்டதாய் 
சந்தியில் நின்று நாலுபேர் சத்தம் போட்டனர்

வீதியின் இருமருங்கும் துருவேறிய மரங்களாய்
பேரூந்துகள், மோட்டர் வண்டிகள், வான்கள் என்று
பார்க்குமிடமெல்லாம் இறுதிப்போரின் வடுக்கள்  

ஆங்கங்கே நீலப் பலகையில் மட்டும் தெரிகிறது
வெள்ளையுடை சிவப்புச் சால்வையில்
"வடக்கின் வசந்தம்"

நந்திக்கடலில் வலைபோட்டு இழுத்தவனுக்காவது
சிக்கியிருக்குமா ஓரிரு..
எலும்புக்கூடுகள்...?

                           
                                     
சீக்கிரமாய்க் கண்டு பிடியுங்கள்
இல்லாவிடின் நாளைய தலைமுறை
இலக்கியத்தில் படிக்கும்
இராமர் கொன்றுபோட்டது
இயந்திரங்களைத் தான் என்று..

Recent Posts

Labels

விமர்சனம் அனுபவம் Himalaya Creations ஈழம் "அவள்" ஒரு தொடர் கதை கவிதைகள் Jaffna இசை பாரதி கண்ணம்மா Himalaya சிறுகதை Ananthan சிங்கப்பூர் YIT yarl IT Hub JK உங்கள் பார்வைக்கு இளையராஜா campus harikanan printers கொலைவெறி NEP Ramavarma Steve Jobs bk srilanka இயற்கை கவிதை ஜெயமோகன் தேவதாசி யோகநாதன் அனந்தன் 2013 7ஆம் அறிவு Birthday CCIE Chundikkuli Girls College Dhanush Osho Singapore calendar harikanan kamal maayan calendar nishaharan sridevi suganyan thusikaran vijay அறிமுகம் அவள் ஒரு தொடர் கதை காலம் ஜனனி தமிழ் இனி தில்லானா நட்பு நிலவு நீ தானே என் பொன்வசந்தம் புகைப்படம் யுகபாரதி 2012 48HFP 48HFP Jaffna 50 shades of grey AE Manoharan AR Rahman Anu Art of Dying Australia Avon BMICH Barathiyar Blind Love Changing Seasons Chicago David Cameron Deepawali Film HDB Happy New year Homebrew Computer Club India’s Daughter JD JPL Jaffna University Jeyachandran Kaayam Karate Kaun Banega Crorepati Kung Fu Leena Manimekalai MGR Mariah Carey Mayan Mr. Harith Kariapper Naan Varuven National Geographic Nov 27 OGA PT Rajesh vaithiya Rajini Ricky Martin Rosy Senanayake Saraswathi Ranganthan Shaolin Spanish Eyes St. Johns College Sudha raguram The Big Bang Trailer Uduvil Girls college Vigil for Sivayoganathan Vidhiya Vigil for Vidhiya Zen are you in it bk gowri chundikkuli cup of life hsenid incredible india jam just a minute kumki songs lift logo love makeup march 8 meditation moorthy digital color lab moorthy guest house network panchangam poet thamarai pokkiri post office ragunaathaiyar samantha silicon valley simbu sitharth song soorya soul step up stretching room effect swan system thirisha thuppakki veena virtusa vishwaroopam wanted why this kolaiveri women's day wso2 yarl zulustyle அக்க்ஷய திருதியை அங்கவர்ணனை அம்பி குரூப் அற்புதத்தில் அற்புதம் இறுதிப்போர் இலங்கை முஸ்லிம் எம்.ஜி.ஆர் எஸ். ராமகிருஷ்ணன் ஏசுநாதர் கடிதம் கலிங்கத்துப்பரணி சகோதரத்துவம் சிவகுமார் சிவபுராணம் சீமான் சுவாதித்திருநாள் செங்கடல் ஜெயச்சந்திரன் தங்க மீன்கள் தனுஷ் தமிழ் தலை முடி திரிசங்கு சொர்க்கம் திருவாசகம் தீபாவளி நத்தார் நந்தகுமார் நந்திக்கடல் நல்லூர் நாக. இளங்கோவன் பண்டிகை பழைய மாணவர் சங்கம் பாரதி பிடித்தபத்து புன்னகை மன்னன் புரட்சித் தலைவர் மாணிக்கவாசகர் முள்ளிவாய்க்கால் மே 2009 மேதினம் வெண்முரசு வைரமுத்து
 
Copyright © ரசிகை. Design By New Blogger Templates
Support IE 7, On Sales, Best Design