வெள்ளி, மே 24, 2013

ஒளிச் சுவடுகள்


நேரம் அதிகாலை ஏழு மணியிருக்கும். முந்தைய இரவின் அசதி இன்னும் தீரவில்லை. வெறுப்புடன் மெல்ல கண்களைத் திறந்து பார்த்தால் முன்னால் திறந்து வைக்கப்பட்டிருந்த ஒரு புத்தகம் கறுப்பு வெள்ளை நிறத்தில் தெரிந்தது. பத்தாதற்கு படங்களின் மேல் கோடு கோடாய் என்னமோ கிறுக்கினாப் போலிருந்தது. கண்களை நன்றாகக் கசக்கிவிட்டு மீண்டும் பார்த்தால் தற்போது படத்தின் கீழே சிறிதாய் சில எழுத்துக்கள் தெளிவாகத் தெரிந்தன. ஆனால் படத்தில் மட்டும் எந்த மாற்றமுமில்லை. குழப்பத்துடன் எழுந்து அடுத்த பக்கத்தை திருப்பினால் வெள்ளை நிறத்தில் சுற்றி சுற்றி கைவிரல் ரேகை போல பல கோடுகள். அருகே பாலைவனத்தின் நடுவில் பாழடைந்த கட்டடமொன்றின் மேல் எரிகற்கள் வந்து விழுவது போல்.. அழகாகவும் அதேசமயம் பயங்கரமாகவும் இருந்தது.

"Are you interested in photography?" திடுக்கிட்டு நிமிர்ந்தவளை கைகளில் சுடச்சுட கோப்பியுடன் எதிர்கொண்டவனை ஒருகணம் தயக்கத்துடன் நோக்கிவிட்டு சிறிதாய் முறுவலித்தாள். 

படமெடுப்பதேன்றால் காமேராவிலுள்ள பட்டனை பிரஸ் பண்ணுவதுவரை தான் அவளது Photography அறிவு. அதை அவனிடம் சொல்லி முதல் நாளே மொக்கை வாங்க விரும்பவில்லை. அதனால் பேசாமல் தலையை ஆட்டிவிட்டு பாத்ரூம் பக்கம் போனவளின் கண்களுக்குள் இன்னும் அந்தப் படங்கள் நின்று பயமுறுத்திக் கொண்டிருந்தன. இளம்சூட்டில் ஷவரிலிருந்து கோடுகோடாய்  விழுந்த நீர்த்துளிகள் அவள் மேல் எரிகற்களாய் விழுந்தன. 

ஒருவழியாய் குளித்து முடித்து அருகே தயாராக மடித்து வைக்கப்பட்டிருந்த துவாயை எடுத்து தலையைத் துவட்டிக்கொண்டு வெளியே வந்து பார்த்தால் அவன் தன் பாட்டுக்கு அன்று போடவேண்டிய ஷர்ட்டை அயன் பண்ணிக்கொண்டிருந்தான். 

"Do you want me to help ironing your cloths?" கேட்டவனை ஆச்சர்யமாய்ப் பார்த்தாள். அயனின் அடிப்பக்கத்தில் தெரிந்த கீறல்கள் மீண்டும் பயமுறுத்த,
"No thanks." விரைந்து உடைமாற்றி அறையை விட்டு வெளியே வந்தாள்.

இப்போ என்ன செய்வது? பேசாமல் மேசைமேல் ஆறிப்போயிருந்த காப்பியை எடுத்து ஒருவாய் குடித்தவளின் கண்கள் மீண்டும் தவிர்க்க முடியாமல் அந்தப் புத்தகத்தின் மேல் விழுந்தது. தயக்கத்துடன் எடுத்து மேலே இரண்டு பக்கம் புரட்டவில்லை.. வறண்டு வெடித்த நிலத்தின் மேல் கள்ளிச் செடிகள் பூதாகரமாய்த் தெரிய அதன் நிழல் விழும் தூரத்தில் இருட்டும் ஒளியும் சேர்ந்து.. வைற்றுக்குள் எதுவோ பிசைவதுபோலிருன்தது.. நேரடியாய் கடைசிப் பக்கத்துக்குப் போனாள். வழக்கத்துக்கு மாறாக அதன் கடைசிப் பக்கங்கள் ஒளிப்பதிவாளரின் நாட்குறிப்பேட்டுப் பக்கங்களால் நிரம்பியிருந்தது. ஆர்வத்துடன் வாசிக்கத் தொடங்கியபோது,

"Shall we go now..? you can read it anytime.." கைகளிலிருந்த புத்தகத்தை வாங்கி கீழே வைத்துவிட்டு குனிந்து முத்தமிட்டான். இம்முறை ரசிக்க முடியவில்லை. இருந்தும் வெளிக்காட்டிக்கொள்ளாமல் வெளியே வந்து பாதணிகளை அணிந்து லிப்ட் எடுத்து கீழே வந்து கதவைத் திறந்துவிட்டு வண்டியில் ஏற்றி கைகாட்டியவன் தூரத்தில் ஒளிக்கீற்றாய் மறைகையில் தோன்றியது 'அது ஓட்டோ மோட்டா மனுவல் மோட்டா?'






வியாழன், மே 23, 2013

யாழ் Hackathon

"என்ரை app Angry birdsஐ விட பிரமாதமா reach ஆகப்போகுது பாரு.." சேந்தன் சொல்ல 
"எனக்கு முதல் fundingலயே பத்து லட்சம் கிடைக்கும் பாரு.." என்றாள் ஆர்த்திகா வேடிக்கையாக.
"என்னை choose பண்ணுங்க உங்க பேரு யாழ் சிலிக்கன் வாலி வரலாற்றில் எழுதப்படும்" என்று சிரித்துவிட்டு திரும்பி பக்கத்திலிருந்த மைலோவை ஒருவாய் உறிஞ்சிவிட்டு மீண்டும் தன் முன்னால் இருந்த கணணிக்குள் மூழ்கிவிட்ட அருளைப் பார்க்கையில் சயந்தனுக்கு பெருமையாக இருந்தது.

இது எங்கையோ ஒரு கம்பஸ்ல மரத்துக்குக் கீழையிருந்து கடலை போட்டுக்கொண்டிருக்கும் இளவட்டங்களின் பேச்சுக்களல்ல. வரும் ஜூன் முதலாம் திகதி யாழ்ப்பாணத்தில் நடைபெறவிருக்கும் Hackathonல் நிகழப்போகும் சம்பாசனைகள் தான் இவை. 

நிற்க, யாழில் தான் இப்போதெல்லாம் தடுக்கி விழுந்தால் ஒரு கணணி கருத்தரங்கு நடக்குதே இதிலென்ன வித்தியாசம் இருக்கமுடியும் என்று கேட்டால் இது வெறும் மண்டைக்காய்களின் மந்திராலோசனையல்ல. இவர்கள் தான் நாளைய மார்க் மற்றும் ஸ்டீவ்களாக நம் யாழ் மண்ணில் வலம்வர இருக்கிறார்கள். நீங்களும் அவர்களில் ஒருவர் என நம்புவீர்களேயானால் இப்போதே உங்கள் பெயர்களைப் பதிவு செய்து கொள்ளுங்கள்.

சரி இப்ப நம்ம நிகழ்ச்சிக்கு வருவோம். "Hackathon" என்று சுருக்கமாக அழைக்கப்படும் Hacking Marathon இனது சிறப்பம்சம் என்னவென்றால் மிகவும் குறுகிய நேரத்தில் பிரமாதமான மென்பொருட்களை வடிவமைத்து ஏன் உருவாக்கியே விடமுடியும். உதாரணத்துக்கு சமீபத்தில் skypeஇனால் 85 மில்லியன் டாலர் கொடுத்து வாங்கப்பட்ட GroupeMe என்ற மென்பொருளுக்கான சிந்தனையுருவாக்கம் இத்தகைய ஒரு வரலாற்றுச் சிறப்புமிக்க நிகழ்வில் உருவானது தான் என்பது குறிப்பிடத்தக்கது. எனவே ஒரு சிலிகான் வாலி உருவாக்கத்தில் கணணி / மென்பொருள் கருத்தரங்குகள் எவ்வளவு முக்கியத்துவம் பெறுகின்றனவோ அதைவிடப் பலமடங்கு முக்கியத்துவம் ஒவ்வொரு Hackathonக்கும் உண்டு.

இவ்வாறாக ஜூன் முதலாம் இரண்டாம் திகதிகளில் யாழ் பல்கலைக்கழகத்தில் Yarl IT Hub இனால் நடாத்தப்படவிருக்கும் இத்தகையதொரு நிகழ்வில் developers, programmers, designers, project managers, students என்று கிட்டத்தட்ட நற்பது பேர் அவர்களின் திறமை மற்றும் விருப்பம் அடிப்படையில் சிறுசிறு குழுக்களாகப் பிரிந்து நாள் முழுக்க இருந்து மண்டையைப் போட்டுடைத்து புதிதாய் எதையோ உருவாக்கப் போகிறார்கள் / ஏற்கனவே இருக்கும் ஒன்றை மெருகூட்டப் போகிறார்கள் / எப்படி உருவாக்குவது என்றாவது அறிந்துகொள்ள இருக்கிறார்கள்.

இறுதியில் வெற்றிபெறும் அணிக்கு Dialog இனால் வழங்கப்படும் பல்லாயிரம்ரூபா பெறுமதியான android devices பரிசாகக் கிடைக்கவிருக்கிறது. அது மட்டுமல்லாது, பல்வேறு ஆறுதல் பரிசுகள் மற்றும் இத்துறையில் பலவருட அனுபவம் வாய்ந்த நிபுணர் குழுவுடனான தொடர்பை ஏற்படுத்திக் கொள்ளல் / அனுபவங்களைப் பகிர்ந்து கொள்ளல் என்று பங்குபெறும் அனைவரும் ஏதோவொரு வகையில் நன்மையடையவிருக்கிறார்கள். தற்போது மிகக்குறைவான எண்ணிக்கையிலான வெற்றிடங்களே எஞ்சியுள்ளதனால் பங்குபற்றும் ஆர்வமுள்ளவர்கள் சீக்கிரமே தங்களை இங்கே பதிவுசெய்து கொள்ளும்வண்ணம் கேட்டுக் கொள்ளப்படுகிறார்கள்.




Theme: Mobile Applications
Date: 1st and 2nd of June 2013
Time: 8 AM to 5 PM
Place: Lecture hall at the Computer Science Department, 
Faculty of Science, University of Jaffna.
Register Here

ஞாயிறு, மே 12, 2013

அக்க்ஷய திருதியை


ஐஸ்வர்யம் தேடிவரும் அக்க்ஷய திருதியை நன்னாளில்..
வரும் பன்னிரண்டாம் பதின்மூன்றாம் திகதிகளில் உங்களுக்காக..
ஸ்ரீ நதியா நகை மாளிகையில் மாபெரும் அதிர்ஷ்டம் காத்திருக்கிறது..

அக்க்ஷய திருதியைக்கான விளம்பரம் நாற்பதாவது செக்கனில் தொடங்குகிறது.
இதன் சிந்தனை உருவாக்கம் மட்டுமன்றி set-properties ஒழுங்கு செய்ததிலிருந்து மீன்களை நடிக்கவைத்தது வரை இந்த விளம்பரத்தின் முற்று முழுதான creditsம் எமது Creative Director பிருந்தாவனையே சாரும். தனது முதலாவது படைப்பை வெகுசிரத்தையெடுத்து கொடுக்கப்பட்ட பட்ஜெட்க்குள் திருப்திகரமாய் கொடுத்திருக்கிறார். 
தங்கக் கழுத்தில் ஜொலிக்கும் தங்கத்தை விட, தங்க மீன்கள் மத்தியில் ஜொலிக்கும் தங்கம் அழகாயிருக்கிறது. யார் கண்டார்? இதைப் பார்த்துவிட்டு இனி பணக்கார வீட்டு மீன்தொட்டிகளில் கற்களுக்குப் பதில் தங்கத்தைப் போட்டுவிட்டாலும் ஆச்சரியப்படுவதற்க்கில்லை. 

அக்க்ஷய திருதியை நாளில் நகை வாங்கினால் செல்வம் கொழிக்கும் / தொழில் தொடங்கினால் வெற்றி நிச்சயம் என்பது ஒருசாரார் நம்பிக்கை. 

2006 சித்திரைக் கடைசி.
"ஒன்பது பவுணிலை தாலியொண்டு செய்யவேணும். எவ்வளவு ஆகும்?"
"இண்டைக்கு அக்ஷய திருதியை. நல்ல நாள். எடுங்க குறைச்சுப் போடுறம்."

2012 சித்திரைக் கடைசி.
"இண்டைக்கு அக்சய திருதியை. நல்ல நாளிலைதான் முதல் ஷூட்டிங் தொடங்கியிருக்கிறீங்க. நல்லா வருவீங்க."

இவ்வாறாக எனது வாழ்க்கையில் நடைபெற்ற இரண்டு முக்கிய சம்பவங்கள் எனக்குத் தெரியாமலேயே இந்த அக்ஷய திருதியை நாளில் நடைபெற்றிருக்கு.

இந்த சாத்திர சம்பிரதாயங்களில் நம்பிக்கை இருக்கா இல்லையா என்பதொருபுறம் இருக்க அதிர்ஷ்டம் என்றால் என்ன? நாம் எதிர்பாராத / நினைத்துப் பார்த்திராத / அதிகளவு முயற்சி இல்லாமலேயே நடக்கும் நமக்கு நன்மை பயக்கும் ஒரு நிகழ்வு. நாம் விரும்பும் ஒரு நிகழ்வு / சாதனை நடப்பதற்கான அத்தனை பொறிமுறைகளையும் அறிந்துகொண்டு அதன்படி நடக்கும் போது கிடைக்கும் பலன் அதிர்ஷ்டம் அல்ல. அது கடின உழைப்பின் பிரதிபலன் அவ்வளவே. 

இவ்வாறாக 2012 ஏப்ரல் இல் நாம் நிறுவனம் தொடங்கி சில வாரங்களாக எத்தனை நகைக்கடைகள் ஏறி இறங்கியும் யாருமே விளம்பரம் செய்யும் நோக்கில் இல்லை. அப்பிடியே எமக்காக சரி என்று சொன்னவர்கள் கூட "ஒரு பத்தாயிரம் தாறம். கடைய சுத்திக் காட்டுங்க தம்பி" என்றார்கள்.  யாழின் பிரபல பணம் கொழிக்கும் வியாபாரம் என்று சொல்லப்படுவது நகைக்கடைகள் தான். அங்கேயே இந்த நிலைமை என்றால்  வேறு எங்கே போய்க் கேட்பது?

தவிர அவர்களுக்கு நாம் எவ்வாறு விளங்கப் படுத்துவது என்று முதலில் புரியவில்லை. எனவே ஒரு சாம்பிள் வீடியோ செய்து கொண்டு சென்று காட்டுவோம் என முடிவுசெய்தோம். ப்ளானிங், ஸ்கிரிப்ட் எல்லாம் பக்காவாக இருந்தது ஆனால் மாடல்க்கு எங்கே போவது? நாமளே நடிக்கலாமேன்றால் 1.வயசு போய்ட்டுது. 2.CEO நடிக்கப்படாதெண்டு கண்டிப்பான உத்தரவு. ஏற்கனவே ஒரு மாடல்ஐக் கூட்டியாந்து CEO எண்டு சொல்லிட்டிருக்கிறாங்க என்று அரசால் புரசலாய் கதைகள் அடிபட்டுக் கொண்டிருந்த சமயம் அது. (பாருங்க.. ஏழு வருசமா AC ரூமிலை காஞ்சு கருவாடாகி வேலை செய்து ஒண்டும் கிழிக்கேல்லை. ஒரு ஆறுமாசம் மாடல் ஆக இருந்து பயங்கர பப்ளிசிட்டி வந்திடுச்சு. சில தினங்களுக்கு முன்புகூட ஒரு அக்கா "உங்க போட்டோ எங்க காலேஜ் shuttle பஸ்ல இருந்துச்சு" எண்டாங்க.)

இவ்வாறாக மாடல்க்கான தீவிர தேடலில் இருந்தபோது தான் ஒஷின்(Oshin) என்கிற சகமொழி நண்பி, 'இந்த வீடியோவானது clients இடம் காட்டுவதற்கு மட்டும் பயன்படுத்தப்படுமே தவிர வேறெந்த ஊடகங்களிலும் வெளிவராது' என்ற உறுதிமொழியுடன் நட்புக்காக நடித்துக்கொடுக்கச் சம்மதித்தார்.

முதல் கட்டமாக தனி பிங்க் கலரில் அழகாக இருந்த நம்ம அறையை ஒருபக்கம் வெள்ளையாக மாற்றினார்கள். ஷூட்டிங் லைட்ஸ் கொழும்பிலிருந்து இறக்குமதி செய்யப்பட்டது. மூன்று வேறுபட்ட காட்சியமைப்புகளில் ஒன்று மேடையிலிருந்து இறங்கி வருவது போல் அமைக்க வேண்டும். அந்த குட்டி அறையில் மேடை எப்படிப் போடுவது என்று நினைத்துக் கொண்டிருக்கும்போதே மூன்று படிகளுடன் கூடிய சிறிய மேடையமைப்பதற்க்கான அளவுத்திட்டத்துடன் கூடிய drawing உடன் வந்து நின்றது வேறையாருமில்லை நம்ம இயக்குனர் திருவாளர் நிஷாகரன். எனது ஆச்சரியம் அடங்குமுன் கூடவே trolly, crane செய்வதற்கான வரைபடங்களையுமே காட்டி அவற்றை உள்ளூரிலேயே எப்படி வடிவமைக்கலாம் என்று விபரித்தபோது 'மட்டுப்படுத்தப்பட்ட வளங்களை மட்டுமே கொண்டு நமக்கான தேவைகளை பூர்த்தி செய்யக்கூடிய திறமை நமக்கு முன்பான தலைமுறையுடன்  அழிந்து போய்விடவில்லை.' என்பதை கண்கூடு காண்கையில் கண்கள் பனித்தன. 

இரண்டு மாதங்களுக்கு முன்னர் ஒரு நண்பருடனான உரையாடலின் போது எனது அடர்காட்டில் தானே என்ற பதிவில் 'மட்டுப்படுத்தப்பட்ட வளங்களைப் பயன்படுத்தி' என்று நான் கூறியிருந்ததைப் பற்றி தனது அதிருப்தியை வெளியிட்டிருந்தார். உண்மைதான். ஆனால் நாங்கள் அதனை ஒருபோது எமது இயலாமையின் குறியீடாக / குறையாக நினைத்ததில்லை. மாறாக அதற்க்கு மாற்றீடாக எம்மிடம் உள்ளவற்றை வைத்து இன்னுமின்னும் என்னவெல்லாம் உருவாக்க முடியும் / உருவாக்கியவற்றை மெருகூட்ட முடியும் என்ற தேடலில் இப்படியாக பல சவால்கள் தோன்றும். அவற்றை நமது திறமைகளால் சாதனைகளாக மாற்றிக் காட்டுவோம். இதில் கிடைக்கும் திருப்தி, சந்தோசம் எந்தொவொரு குளிர் அறையிலும் நாள் முழுவதும் இருந்து மண்டையைப் போட்டுடைத்து பெறும் தீர்வில் (என்னைப் பொறுத்தவரை) நிச்சயமாகக் கிடைக்காது.

நிற்க, நம்ம ஆபீசும் அடுத்த மாதமே அதிகரித்த கணனிகள் மற்றும் நண்பர்கள் முக்கியமாய் நம்ம எடிட்டர் நலன் கருதி குளிரூட்டப்பட்ட அறையாக மாறவிருக்கிறது. ஒவ்வொரு முறையும் தான் கடைசியாகக் கொடுத்த படைப்பை மிஞ்சும் படியான output வரவேண்டும் என்பதிலேயே அதீத கவனம் எடுத்து வேலை செய்யும் எடிட்டர் துசிகரனின் வளர்ச்சியை blind love இல் பார்த்துவிட்டு கொழும்பின் பிரபல முன்னணி தொலைக்காட்சி நிறுவனம் ஒன்று தானே இறங்கிவந்து வேலைக்கு கேட்க்குமளவுக்கு இந்த ஒருவருடத்தினுள்  அவரைக் கொண்டுவந்திருக்கிறது.

அடுத்து எம்முடனிருந்தவர்கள் பலருக்கு இசையமைக்கும் திறமை இருந்தாலுமே ஒரு விளம்பரத்துக்கு இசையமைப்பதென்பது ஒரு தனிக்கலை. முப்பது செக்கனில் பல்லவி, அனுபல்லவி சரணம் எல்லாம் முடிச்சிடனும். சில சமயம் ஆலாபனை வேறு. இப்படித்தான் ஒரு திறமையான மரபுவழி (?) இசையமைப்பாளர் ஒருவரை ஒரு சமயம் அணுகியபோது இதுக்கு எப்படிப்பாத்தாலும் முப்பத்து ரெண்டு செக்கன் வருது இல்லாட்டி தாளக்கட்டு /பீட்ஸ்/லேண்டிங் நோட் பிழைக்கும் என்றார்.

இவ்வாறாக நாம் திணறிக்கொண்டிருந்த சமயத்தில் எமக்கு அறிமுகமானவர் தான் எமது கம்பனியின் தற்போதைய ஆஸ்தான இசையமைப்பாளர் சுகன்யன். சாதாரண சாம்பிள் தானே என்று நினைத்துவிடாமல் தனது முழு ஒத்துழைப்பையும் கொடுத்திருந்தார். அன்றிலிருந்து இன்று வரை இவர் பல படிகளைக் கடந்து தனது லட்சியப் பாதையில் பலதூரம் முன்னேறியிருந்தாலும், எமது எந்தவொரு படைப்புக்குமே தனது முழு ஒத்துழைப்பை வழங்கத் தவறியதில்லை. 

ஒருவாறு சாம்பிள்ஐ முடித்து அதைவைத்து திரும்பவும் கடை கடையாக அலைந்தது வேறு விடையம். ஆனால் இதில் முக்கியமாய் குறிப்பிடவேண்டிய அம்சம் என்னவென்றால் அப்போது இதனை வேண்டாம் என்று கூறியது மட்டுமல்லாமல் எமக்கு நிறைய உபதேசமும் வழங்கி அனுப்பிய ஒரு நகைக்கடை உரிமையாளர் ஒருவர் (ஸ்ரீ நதியா இல்லை) சமீபத்தில் யாழின் பிரபல கேபிள் நிறுவனம் ஒன்றிடம் தனக்கு ஒரு விளம்பரம் போடவேண்டும் என்று அணுகிய போது அவர்கள் எம்மை பரிந்துரை செய்திருக்கிறார்கள். அவரும் யாரெண்டு தெரியாமல் நமக்கு கால் பண்ணி.. ஹிஹி.. ஒரே காமெடியாப்போச்சுது.

இப்படியாக உள்ளே என்ன வெட்டுக்குத்து நடக்குதெண்டே தெரியாமல் / பாக்காமல் "எல்லாம் உண்டை அதிர்ஷ்டம் தான்." எண்டு ரொம்ப சிம்பிள் ஆக சொல்லிட்டுப் போறாங்க. அவங்களைப் பொறுத்தவரை அது உண்மைதான். ஏன் என்னைப் பொருத்தவரை கூட.. அது இப்பேர்ப்பட்ட ஒரு டீமை நிர்வகிக்கும் சந்தர்ப்பம் கிடைத்தமைக்கு.




சனி, மே 04, 2013

கரிகணன் ஒளிவீச்சு


தொண்ணூறுகளின் ஆரம்பத்தில் ஊரில் வருடாவருடம் அனைவரும் ஆவலுடன் எதிர்பார்த்துக் காத்திருக்கும் ஒரு நிகழ்வு மேதின ஊர்வலம். ஒவ்வொரு வருடமும் வித்தியாசமாய் புதுசாய் பிரமாண்டமாய் பார்க்க பிரமிப்பாய் இருக்கும். ஒளிவீச்சுக்கள் பார்க்கையில் மெய்சிலிர்க்க வைக்கும். நம்மவர்க்குள் இத்தனை திறமைகளா என்று பலதடவை வியந்திருக்கிறேன். வண்ணங்கள், அமைப்புகள், அலங்காரங்கள், இசை என்று ஒவ்வொன்றிலுமே தனி அக்கறை காட்டியிருப்பார்கள். அனைத்திலும் ஒருவித ஒழுங்கு, நேர்த்தி இருக்கும். 
எத்தனை சவால்கள்
பலரின் நிகரற்ற உழைப்பு
தசாப்தகால உழைப்பின் சாதனை
பிரமிக்கவைக்கும் படைப்புகள்
ஓர் சாதனைப் பயணம் 
போராட்டத்தில் நாம் இழந்தது எத்தனையோ. அவை என்றுமே ஆறாத வடுக்களாய் பதிந்திருக்கும். ஆனால் அவை எமக்கு கற்றுத்தந்த பாடங்கள் வேறெந்த கல்விக்கூடங்களாலும் கற்றுத் தரமுடியாதவை. மண்ணெண்ணெய்யில் ஓடும் வண்டிகள், சிக்கன அடுப்பு, குப்பி விளக்கு என்பன தொடங்கி நீர்மூழ்கிக் கப்பல், அதிவேக படகுகள், ஆகாய விமானங்கள் வரை பொருளாதாரத் தடை தீவிரமாக அமுல்படுத்தப்பட்டிருந்த போராட்ட காலத்தில் கூட நாம் சொந்தமாக உருவாக்காதது என்று என்ன இருக்கிறது? 

இவையனைத்துக்கும் முக்கிய காரணம் என்ன? தேவைகள். அவை தான் புதிய கண்டுபிடிப்புகளுக்கான சந்தர்ப்பங்களை உருவாக்குகிறது. அவற்றை சரியான சந்தர்ப்பத்தில் இனம்கண்டு தீர்வுகளை உருவாக்கும் / பெறும் போது வெற்றிக்கான பாதை திறக்கப்படுகிறது.

அடுத்து கடின உழைப்பு. வெற்றிக்கான பாதையில் அயராது உழைப்பது. தனியொருவராய் நின்று இன்றைய உலகில் எதனையும் சாதித்துவிட முடியாது. சரியான கூட்டணி தேவை. ஒவ்வொருவரும் ஒவ்வோர் துறையில் நிகரற்றவராய் இருக்க வேண்டும். அவற்றை சரியான விகிதத்தில் கலக்கத் தெரிந்த ஒரு இயக்குனர் இருக்க வேண்டும்.  எல்லாவற்றிற்கும் மேலாக தூரநோக்குள்ள, எல்லாவற்றையுமே  / எல்லோரையும் ஒருங்கிணைக்க கூடிய ஒரு திறமையான நிர்வாகி தேவை. 

இன்று ஒரு எழுத்தாளனுக்குக் கூட தனது எழுத்தைக் கொண்டு சேர்ப்பதற்கு / அங்கீகாரம் பெற்றுத் தருவதற்கு பலரின் உதவி தேவைப்படுகிறது. ஒவ்வொருவரும் இன்னொருவரில் நிச்சயமாக தங்கியே இருக்கிறார்கள். அதை உணர்ந்து கொண்டு சரியான முறையில் கூட்டணி சேரும் வியாபாரம் / படைப்பு நிச்சயமாக வெற்றி பெறும்.

போர் முடிவுற்று இத்தனை வருடங்களின் பின்னர் கூட வெளிநாட்டில் தஞ்சம் புகுந்திருக்கும் நம்மவர் யாருக்குமே திரும்பிவரும் எண்ணம் இன்றுவரை இல்லை. இத்தகைய நிலையில் 2001ஆம் ஆண்டு ஆரம்பிக்கப்பட்ட கரிகணன் அச்சகம் கடந்த பத்துவருடகால கடின உழைப்பு மட்டுமல்லாது போராட்ட காலங்களிலும் கூட சவால்களை சந்தர்ப்பங்களாக்கி வடக்கில் அச்சுத்துறையில் இன்று பல்வேறு சாதனைகளுக்குச் சொந்தக்காரராயிருப்பது நிச்சயமாய் பாராட்டப்பட வேண்டிய ஒன்று.  

இன்று தென்னிந்திய அச்சு/கலைத்துறையின் வசீகரத்திலும் பிரமாண்டத்திலும் ஈர்க்கப்படிருப்பவர்களை  திரும்பிப் பார்க்க வைப்பது அவ்வளவு சுலபமல்ல. அதற்க்கு நிகராய் அதையும் தாண்டி நம்மால் கொடுக்க முடியும் என்பதை நிரூபிக்கும் தருணங்கள் இவை.

முப்பத்தாறு கிழமை முடிஞ்சுது. எல்லாம் சரியா இருக்கு. இன்னும் ஒன்றிரண்டு கிழமையில டெலிவரி.

"நாள் நேரம் எல்லாம் குறிச்சாச்சு. இன்னும் மூண்டு நாளில முடிக்க முடியுமா?"

"அப்பிடின்னா சிசேரியன் தான் பண்ண வேண்டியிருக்கும். கவலைப்படாதீங்க முடிச்சிடலாம்." 

இப்படியாக கரு உருவானதிலிருந்து கடந்த எட்டு மாசங்களாக பிற பல வேலைகளின் நெருக்குதல்களின் மத்தியிலும் இதனை ஒரு பூரணமான படைப்பாக கொண்டு சேர்க்கவேண்டும் என்பதில் நாம் அனைவருமே உறுதியாகவிருந்தோம்.

ஒருவழியாக குறித்த நாளில் குறித்த நேரத்தில் பல சிரமங்களின் மத்தியிலும்  கடைசியாய் எந்த  வெட்டுக் கொத்தல்களுமில்லாமல் ஒரு சுகப் பிரசவம்.

மேதினத்தன்று (பிள்ளைய) தொலைக்காட்ச்சியில் பார்த்த அனைவரும் கன்னாபின்ன என்று புகழ சந்தோசத்தில் ராஜ் அண்ணா நம்ம (டெலிவரி) டீமை கூப்பிட்டு தடபுடல் விருந்து வைத்து அமர்க்களப் படுத்தியிருக்கிறார்.



நிற்க, இது ஒரு சாதாரண டாக்குமெண்டரியாக இல்லாமல் ஒவ்வொரு frameஇலும் புதுமை, பிரமாண்டம் தெரிய வேண்டும் என நினைத்தோம். முதல் கட்டமாக சிவநேசனின் கடின உழைப்பில் உருவான கரிகணன் புதிய கட்டடத்தின் 3D மாடல் சற்று நம்பிக்கையைத் தந்தது. தோளில் காமெரா பாக்கையும் ஒரு கையில் tripodஐயும் பிடித்தபடி தனியாளாக மோட்டார் வண்டியில் சென்றே பெரும்பாலான காட்சிகளை ஒளிப்பதிவு செய்த நிசாகரநின் கடினஉழைப்பு ஒவ்வொரு shotலும் தெரிந்தது. ஹோர்டிங் ஷூட்டிங்கில் crane தூக்கி ரெண்டு நாளா முதுகுவலி வேறு.

அடுத்து, படத்தொகுப்பில் மட்டுமல்லாது ஆரம்பத்தில் வரும் காந்தி தாத்தா வரைவிலிருந்து யாழ் ஏரியல் வியு, யாழிலிருந்து கொழும்பு செல்லும் படகு, வரைபடங்கள் என்று துசிகரன் தன் பங்குக்கு கிராபிக்ஸ்ல்  கலக்கியது. ஸ்கிரிப்ட் தான் கடைசிவரை இழுத்திண்டே இருந்தது. சாம் அண்ணாவின் மொழிபெயர்ப்பு அபாரம். வீரா ஐயாவின் கம்பீரமான குரல் மேலும் மெருகூட்டியது.

இவை எல்லாவற்றிற்கும் மகுடம் வைத்தாற்போல் சுகன்யனின் இசையமைப்பு, சிறப்பு சப்தங்கள்  ஒளிவீச்சின் பிரமாண்டத்தை அதிகரிகிறது.  அச்சுக்கூட ஒலியமைப்புடன் மட்டும் நின்றுவிடாது பென்சிலால் கிறுக்குவது, தண்ணீர் சத்தம், செருப்பு சத்தம் என்று பல இடங்களில் அதீத கவனமெடுத்திருக்கிறார். உதாரணத்துக்கு காந்தி தாத்தாவை பென்சிலால் வரையும் ஒலியமைப்பை துல்லியமாக எடுப்பதற்காக கிட்டத்தட்ட ஏழெட்டு வகையான தாள்களில் பென்சிலால் கிறுக்கிப்பார்த்து   ரெகார்ட் பண்ணி பின் பொருத்தமானதை தேர்ந்தெடுத்திருக்கிறார். 

இந்த சாதனைப் பயணம் கரிகணனுக்கு மட்டுமல்ல, தான் செய்யும் வேலையில் இத்தகைய அர்ப்பணிப்புள்ள எவனொருவனுக்கும் அவனது  ஒவ்வொரு படைப்புமே சாதனைப் பயணம் தான்.



Recent Posts

Labels

விமர்சனம் அனுபவம் Himalaya Creations ஈழம் "அவள்" ஒரு தொடர் கதை கவிதைகள் Jaffna இசை பாரதி கண்ணம்மா Himalaya சிறுகதை Ananthan சிங்கப்பூர் YIT yarl IT Hub JK உங்கள் பார்வைக்கு இளையராஜா campus harikanan printers கொலைவெறி NEP Ramavarma Steve Jobs bk srilanka இயற்கை கவிதை ஜெயமோகன் தேவதாசி யோகநாதன் அனந்தன் 2013 7ஆம் அறிவு Birthday CCIE Chundikkuli Girls College Dhanush Osho Singapore calendar harikanan kamal maayan calendar nishaharan sridevi suganyan thusikaran vijay அறிமுகம் அவள் ஒரு தொடர் கதை காலம் ஜனனி தமிழ் இனி தில்லானா நட்பு நிலவு நீ தானே என் பொன்வசந்தம் புகைப்படம் யுகபாரதி 2012 48HFP 48HFP Jaffna 50 shades of grey AE Manoharan AR Rahman Anu Art of Dying Australia Avon BMICH Barathiyar Blind Love Changing Seasons Chicago David Cameron Deepawali Film HDB Happy New year Homebrew Computer Club India’s Daughter JD JPL Jaffna University Jeyachandran Kaayam Karate Kaun Banega Crorepati Kung Fu Leena Manimekalai MGR Mariah Carey Mayan Mr. Harith Kariapper Naan Varuven National Geographic Nov 27 OGA PT Rajesh vaithiya Rajini Ricky Martin Rosy Senanayake Saraswathi Ranganthan Shaolin Spanish Eyes St. Johns College Sudha raguram The Big Bang Trailer Uduvil Girls college Vigil for Sivayoganathan Vidhiya Vigil for Vidhiya Zen are you in it bk gowri chundikkuli cup of life hsenid incredible india jam just a minute kumki songs lift logo love makeup march 8 meditation moorthy digital color lab moorthy guest house network panchangam poet thamarai pokkiri post office ragunaathaiyar samantha silicon valley simbu sitharth song soorya soul step up stretching room effect swan system thirisha thuppakki veena virtusa vishwaroopam wanted why this kolaiveri women's day wso2 yarl zulustyle அக்க்ஷய திருதியை அங்கவர்ணனை அம்பி குரூப் அற்புதத்தில் அற்புதம் இறுதிப்போர் இலங்கை முஸ்லிம் எம்.ஜி.ஆர் எஸ். ராமகிருஷ்ணன் ஏசுநாதர் கடிதம் கலிங்கத்துப்பரணி சகோதரத்துவம் சிவகுமார் சிவபுராணம் சீமான் சுவாதித்திருநாள் செங்கடல் ஜெயச்சந்திரன் தங்க மீன்கள் தனுஷ் தமிழ் தலை முடி திரிசங்கு சொர்க்கம் திருவாசகம் தீபாவளி நத்தார் நந்தகுமார் நந்திக்கடல் நல்லூர் நாக. இளங்கோவன் பண்டிகை பழைய மாணவர் சங்கம் பாரதி பிடித்தபத்து புன்னகை மன்னன் புரட்சித் தலைவர் மாணிக்கவாசகர் முள்ளிவாய்க்கால் மே 2009 மேதினம் வெண்முரசு வைரமுத்து
 
Copyright © ரசிகை. Design By New Blogger Templates
Support IE 7, On Sales, Best Design