முன்வீதிதானாம்
போவதா விடுவதா
தொடங்கமுன் ஒரு வானிலையறிவிப்பு
மேகங்கள் கருக்கட்டியிருக்காம்
முதல் துளிக்கான காத்திருப்பில்
பட்டாம்பூச்சி பறக்குதாம்
ஐடிக்கும் பூச்சிக்கும் என்ன சம்பந்தம்?
எங்கடா பிடிச்சீங்க இந்த ரசிகையை
சரியெண்டு குடையை எடுத்துக்கொண்டு போனால்
சயந்தனாம் visionaryயாம்
கென்யாவில கட்டின கோட்டை
எங்கடை இடத்திலையும் சாத்தியம் என்றார்
லக்க்ஷியா சேந்தன் என்று ரெண்டு இளம் தளிர்கள்
லட்சியம் கனவென்றேல்லாம் ஏதேதோ பேசினார்கள்
மதுவென்றோருவர் வந்தார்
ஐன்ஸ்டினையும் காந்தியையும் கிரேசி என்றார்
அடுக்குமா சாமி உங்களுக்கு?
சர்வேஸ், ஜக், விமலா எண்டு ஒரு பெரிய பட்டாளம்
சச்சினுக்கும் Could Computingக்கும் என்ன தொடர்போ
சதமடித்துவிட்டு அடிக்கடி மேலே பார்ப்பதாலோ
சத்தியமா விளங்கேல்லை எனக்கு
கணனித்துறை கலாநிதியைக்கூட
துணைக்கு இழுத்திட்டான்கள்
தங்கக்கட்டியாம் நாள்கூலியாம்
சும்மா ரீல்சுத்துறான்கள் உவங்கலேல்லாம்
நானெல்லாம் நாப்பதுவருசமா உழைச்சும்
ஒரு தங்கக்கட்டி வாங்கேலாது பாருங்கோ
கடைசில எனக்கு என்ன புரிஞ்சுதோ இல்லையோ
என்ர பெடியனுக்கு நல்ல எதிர்காலம் இருக்கு
தம்பியவை... நான் கண்ணை மூடுறதுக்குள்ளை
அந்த 'சிலிக்கன் வாலி'யப் பாத்திடுவேனில்லை?
(கருத்துதவி : JK )
See you on our next meet up soon.
கருத்துகள்